ادخل واضحك

مرة واحد منحوس خبطته عربية مات روحه طلعت
خبطتها طيارة.

مرة تلاتة فشاريين اوى راحوا الجبل
واحد اعمى والتانى اطرش والتالت اقرع
الاعمى قال انا شايف نملة من فوق الجبل
والاطرش قال وانا سامع دبتها
والاقرع قال وانا شعرى وقف من كتر الكدب.


مرة واحد عصبى حب يقول لمراته حاجة حصلت معاه
قالها بصى هاقولك حاجة بس انا مش كداب
واهو انتى الى كدابة ووقحة كمان وانتى طالق.


واحد مسطول بيقول لصاحبه ياخى
عود الكبريت ده مش عايز يولع ليه
مع انه لسه مولعه من شويه.


مرة واحدة بتقول لزوجها ودينى المستشفى
عشان ماما هناك عندها حالة تسمم
رد زوجها وقال اكيد عضت لسانها بالغلط.


مرة تلاتة دخلوا كلية الهندسة اتنين طلعوا
مهندسين وواحد مدينة نصر.


واحد صعيدى كسب 60 مليون دولار راح اشترى رونالدو.



مرة تلاتة مساطيل قاعدين فى سهرة
الاول: انا عندى فلوس اشترى بيها امريكا الشمالية
الثانى:وانا عندى فلوس أشترى بيها امريكا الشمالية والجنوبية
التالت:مين قالكم انى راح أبيع.


مرة مذيعة عملت عملية فى ظهرها
راحوا شالوا فقرة وحطوا بدلها برنامج.


واحد رمى يمين الطلاق على مراته مجاش فيها.


واحد غبى دخل السينما لقى مكتوب ممنوع الدخول
لاقل من 18 راح جاب 17 واحد يدخلوا معاه.


صعيدى بيتكلم فى السياسة
قال..كويس ان امريكا اتهمت طالبان
ماتهمتش المدرسة كلها.



مرة واحد اسمه نادر أتجوز واحدة اسمها نادرة
خلفوا ولد سموه مهدد بالانقراض.


واحد صعيدى ماشى فى الشارع لاقى قشرة موز
قال يااااااه هاتزحلق تانى.