.::. قصـــــــــة رومانسية حزينة .::.
كان ياما كان
فى شاب عمرة 24 سنه
كان شاب وسيم وحسن المظهر اسمة سيف
من النوعية الى لما تشوفها لاول مرة ترتاح لها وتحب تتكلم معاها
بس كان شاب فى حالة طول عمرة لا يعرف حاجه عن البنات ولا عمر قلبة دق ولا حب ولا كلم اى بنت فى حياتة
ربنا كرمه واشتغل فى محل فى مول كبير
وفى يوم من الايام كانت فى بنت امورة اوى معدية
ولما شافته اتشدت لة
ولحسن حظها كان المحل متعلق عالباب الزجاج بتاعه ارقام المحل
فسجلت الرقم
ولما روحت البيت اتصلت بية
وفضلت تتكلم معاه شمال يمين
وهو كل ردة عليها اة واية
مش عارف يقولها اى حاجه
وكل يوم تكرر اتصالها علية
وهو يقولها طيب واخر الكلام دا كلة اية
انا مليش فى الحب ولا اعرف حاجه عنه
قالت لة هتتعلم على ايدى وهتشربه منى بكل احاسيسة ومشاعرة الجميلة
وعدت ايام وليالى وهما كل يوم يتكلموا مع بعض
وبدأ سيف يتعلق جدا بـــ سهر
وبقت اهم حاجه فى حياتة
لازم كل يوم يتكلم معاها ويسمع صوتها بالساعات
ويقعد طول النهار يفكر ويحلم بيها
لدرجة انة بان علية وكل اصحابة واخدين بالهم انه على طول سرحان وهيمان
واحيانا يغلط ويقول اسمها ف اثناء حواراته وكلامة
مر اكتر من سنه على حبهم وكلامهم وعلاقتهم
وفى يوم سيف قال لسهر
انتى شوفتينى وشوفتى شكلى
انا بقالى اكتر من سنه بحلم بيكى وبحاول اتخيل شكلك
انا تعبت
ولازم اشوفك
قالتله متستعجلش
سيبها لظروفها
قالها لا انا مش هسيبك النهاردة الا لما تحدديلى معاد انى اشوفك فية
قالت لة خلاص يوم الخميس الجاى احنا رايحين رحلة للمكان الفلانى
نتقابل هناك
فرح اوى سيف ومش مصدق ان حلم حياته هيتحقق
وهيشوف الاميرة الجميلة الى حلم بيها طول الليالى
ياترى شكلها اية
طويلة - قصيرة - بيضة - سمرا
بس لسة النهاردة السبت
يااااااااااااااااااه
الوقت طويل اوى اوى على يوم الخميس
ومرت الايام ببطئ شديد جدا على سيف
الى ان وصل الى مساء يوم الاربعاء
وهو سهران بيكلم حبيبته على التليفون وبيوصفلها فرحته بقرب الموعد
وانه خلاص هيشوف حبيبته ويقرب منها
طب بس هيعرفها ازاى
قالت لة انا هكلمك وهعرفك هناك
عموما انا هبقى رايحة راكبة عربية لونها فضى ورقمها ر أ ب مصــر
قالها خلاص اوكى وعموما طول الطريق رنى عليا علشان احسن انك معايا وانى مش لوحدى
وفى صباح يوم الخميس
خرجوا ف الموعد المتفق علية
وكلمته سهر وقالتله انهم هيتحركوا دلوقت
وهو كمان ركب عربيته وبدأ ف التحرك
وكل دقيقة يرنوا على بعض
وفجأة انقطعت رناتها
فضل يرن عليها سيف
الى ينتهى جرس التليفون { لا يوجد رد }
وفى اثناء سيرة ف الطريق
شاهد تجمع ناس كتيرة حول حادثة سيارة
وعندما اقترب من المشهد
خفق قلبة خوفا وقلقا ورعبا
وسقط قلبة من الرعب حينما شاهد السيارة بلونها الفضى والارقام التى تحملها لوحة السيارة
وشاهد الافراد اللى خرجوهم الاهالى من السيارة المصابين بالحادث
رجل كبير ف السن
و 4 بنات
مشوهه وملطخة اجسادهم بالدماء
مش باين ان فيهم حد على قيد الحياه اصلا
وقف سيف مذهول
ينظر اليهن
مين فيهم سهر
فاخرج تليفونه ورن على تليفونها
واتبع الصوت واقترب من احدى الفتيات الملقين على الارض
فإذا بالصوت من هاتف ملقى بجوار الفتاه على الارض
كانت احلاهم واجمل بنات الارض
ومسك بالتليفون الملقى بجوارها
وما اشد من صدمته حينما نظر الى الهاتف
ووجد اسم المتصل { أمــل حياتى } ...
اغمى علية من الصدمة
وانتقل معها الى نفس المستشفى
وبعد مرور بضع من الايام
خرج من المستشفى وعرف انها توفت قبل وصولها للمستشفى
اتعقد فى حياتة
وساب شغله
وبقى يكره صوت الموبايل ورناته
ويتخانق مع اى حد ينطق كلمه حب قدامه
وساب البلد كلها وسافر يشتغل ف مكان تانى
وحلف انه ما ينزل البلد دى تانى الى فى اليوم الى توفت فية حبيبته
ومرت السنين وهو ينزل لنفس الطريق ويروح يقعد بالساعات فى مكان الحادث الاليم ويفكر بحبيبته
موضوع: سامى وحنان ،، قصة حزينة جدا 
الإثنين يونيو 27, 2011 1:52 am
